Gorê agahdarîyê ke çapoemenî de vila bîyê, Sekreterîya ENKSyî beyan kerda ke, roja 17ê Temmuze de endamê PDKSyî Mihemed Salih Ehmed Çilaxa de, Izedîn Mehmûd Qamişlo de, Mihemed Eyo Qamişlo de, Berzan Husên Girkê Legê Şêxî de hetê asayîşê PYDyî ra ameyê remnayîş û Koban de zî erzîyayo keyeyê Rayberêkê Partiya Yewitîya Kurdistanî Weysî ser.
Xeylî wexto ke mabênê PYNK û ENKSyî de dîyalogê pêameyîşê mabênê Kurdan de esto, no diyalog dewam keno. La Rojavayê Kurdistanî de tepişyayîşê endamanê partîyanê sîyasî, hem zerar dano xebatanê pêameyîşî, hem zî binpay kerdişê azadîya fikrî û xebata sîyasî.
Ma venga îdarekaranê Rayberîya Xosere, HSD, PYNK û venga mesûlanê Dewleta Emerîka yê Rojavayê Kurdistanî danê ke wa vernîya nê tepiştişan û îşkenceyan bigîrê û nêverdê hewl û xebatê pêameyîşê mîyanê Kurdan zerar bivînê.
Heme hepsîyê sîyasî, ronşvîr û aktîvîstê heqanê emrdiman yê Rojavayê Kurdistanî ganî cade bêrê veradayîş.
19.07.2021
Buroya Çapemenî û Têkilîyê ya PAKî (Partîya Azadîya Kurdistanê)