Merkezê Xeberan- 1
"7ê Teşrîna Peyêne Roja Ala Kurdistanî ya.
Roja 17ê Teşrîna Peyêne ya 1945î de bajarê Mehabadî yê Rojhilatê Kurdistanî de komêka gêncanê Kurdan ala Kurdistanî bînaya Mehkemeya Mehabadî ser o aliqnayî.
Parlamentoyê Herêma Kurdistanî roja 11ê Teşrîna 1999î de 17ê Teşrîna Payêne sey Roja Ala Kurdistanî îlan kerd.
Ala Kurdistanî ya ke ewro ameya qebûlkerdiş, serra 1919 de hetê Teşkîlatê Îçtîmaîye Cemiyetî ya Kurdan ra ameya tesbîtkerdene û serra 1920î de zî hetê Teşkîlatî Îctîmaîye Cemîyetî ya Kurdan ra bi qirarêk ameya qebûlkerdene.
Hetê Teşkîlatê Xoybûnî ke serewedaritişê 1937 yê Agirî tertip kerd raKoyê Agirî ser o ameya berzkerdene.
Ala Kurdistanî 1932î de her di qepaxê Kovara Hawarî, no: 11 (10 Teşrîna Peyêne 1932) bi rengîn amê çapkerdene.
Hukmatê Komara Kurdistanî Ala Kurdîstanî ya ke serra 1919î de hetê Teşkîlatî Îçtîmaîye Cemîyetî ra ameya tesbîtkerdene qebûl kerd, la kişta roja aye de, resimê di gilê genimî û peyê aye de koyêk û darêka çamî zêde kerd û bi giloverî zî aya ser o
Dewletî Cumhurîyetî Kurdistan nuşt û na ale sey ala Komara Kurdistanî (Komara Mehabadî) qebûl kerd. Rijyayîşê Komara Kurdistanî ra ver, Pêşewa Qazî Muhemmed ala Kurdistanî ya Komara Kurdistanî dano Mela Mistefa Barzanyo qehreman û wina vano: "Na bawer kena şima do wayîrê na Ala Kurdistanî vejîyê û nêverdê wa bigino erd ro."
Na ala Kurdistanî, sey qîmetêka neteweyî 100 serrîyo ke sey ala Kurdistanî qebûl bîya.
Ala Kurdistanî hetêk ra zî 200 serrîyo ke sembolê mucadeleyê azadî ya
Ganî na ale seba hemine Kurdistanîyanê dinya sey ala Kurdistanî bêra qebûl kerdene.
Ma roja ala rengîne ya bi rûmete pîroz kenê. "
17.12.2019
Buroya Çapemenî û Têkilîye ya PAKî