Partîya Azadîya Kurdistanî bi beyanatêk operasyona ke endam û îdarekaranê HDP rê ameya kerdene şermezar kerd û va: Rayber û endamê HDPyî ke bi hawayêko bêhûqûqî ameyê tepiştene wa serbest bêrê veradayîş.
“Îqtîdaro ke bi şirîktîya AKP û MHPyî ameyo awankerdene, kerdênanê xo yê bêhûqûqî û yê keyfîyetî domnenêo Ma her roj vînenê û benê şehîdê bi seyan kerdenanê wînayênan.
Nika zî bi desan rayber û endamê HDPyî bi tay îthamê ke seba hedîseyanê 6 serrî verî ameyê tepiştene.
Partîya ma awanbîyayîşê xo ra heta ewro her tim vera şîdet û tûjî vejîyaya û her tim heq û azadîya fikirî, xebate û sîyaseto ke şîdet û tûjî ra dûr o pawita.
Bi na hişmendî ma venga Dewleta Tirkîya danê ke, wa fek binpay kerdişê bêhûqûqî yê derheqê azadîya fikrî û azadîya xebata sîyasî û rêxistinî ra verado; fek operasyonanê sîyasî, tepiştiş û hepiseştişî ra verado.
Dewleta Tirkîya gere gorey huqûqê mîyannetewî têbigêro. Seke zanîyeno Qanunê Bingehînî yê Tirkîya zî hiqûqê mîyannetewî sey mercîyêk qebûl kerda . Nê kerdenê bêhûqûqî gere biqedîyê.
Rayber û endamê HDPyî ke bi hawayêko bêhûqûqî ameyê tepiştene wa serbest bêrê veradayîş.”
28.09.2020
Buroya Çapemenî û Têkilîye PAKî