PAK (Partîya Azadîya Kurdistanî):
Hûkmatê AK Partî, sîyasetê xo yê tayînkerdişê qeyûman domneno.
Şaredarîyanê HDPyî yên Sêrt û qezayanê ci Hawêl û Misirc û nehîyeya Altinova û şaredarîya Îdirî rê qeyûmî amê tayînkerdene, Serekê Şaredarîyan amê tepiştene. Nê çîyî çareserî rê xizmet nêkenê û dewamê sîyasetê xetimnayîşî yê.
Nê demê peyênî de hukmat hetêk ra wazeno ke partîyê ke programanê xo de ca dayê heqanê Kurdan ê meşrûyan biqefilno, hetêk ra zî wazeno konjoktûrê mîyannetewî ra îstîfade biko û sîyasetê xo yê şîdetî û hêrişî bidomno.
Tayînkerdişê qeyûman çine hesibnayîşê îradeyê weçînayoxan û xo rêxistinkerdişî rê hêriş o.
Ma verê cû zî desan rey vatbi û ma reyna zî vanê: Şaredarîyan rê tayînkerdişê qeyûman, gorê hûqûqê Tirkîya zî, çine hesibnayîşê weçînayoxan, qerarêko sîyasî û antî demokratik o. Dewleta Tirkîya, bi nê sîyasetê xo yê vera Kurdan, kena ke meseleyan bi şer, zindan, qeyûm û sîyasetê padayîşê partîyan safî biko, La gorê ma bi no qayde nêşkena yew mesela zî safî biko.
Tecrube bîyo ke, problemê ke bi înkarkerdişê miletêk ra amê pê, her wext bi şer û şîdet ney, pê dîyalog, seypeybîyayîşê miletan û bi rayîrê aştîyane, demokrasî , edelet û azadî encax safî bîyê.
Gerê hurmet nîşanê weçînayoxan bidê û fek na kerdena tayînkerdişê qeyûman ra veradê.
Ma veng danê her kesî ke, wa vera nê teşebuso ke estbîyayîşê meletê Kurd înkar keno, heqanê înan o netewî û demokratîk çine hesibneno, temsîlkaranê înan, nuştox û ronşvîranê înan ser o zordarî keno vengê xo vejê, helwest bigîrê.
15.05.2020
Buroya Çapemenî û Têkilîye ya PAKî