Merkezê Xeberan - Partîya Azadîya Kurdistanî (PAK): "Ma tepişyayîşê sîyasetmedaro Kurd Mahmut Alinakî şermezar kenê."
"Sîyasetmedaro Kurd Mahmut Alinak bajarê Qersî de bi sûcdarîya ‘’Wazeno yewîtîya dewletê û welatî çine biko’’ ame muhakemekerdiş û hetê Mehkemeya Sulh Ceza ya Qers ra roja 17.02.2020î de ame tewqîfkerdiş. Mahmut Alinak erzîya Hepisxaneyê Qersî.
Tepişyayîşê Mahmut Alinakî binpaykerdişê azadîya xo îfade kerdişî û azadîya fikrî yo.
Mahmut Alinak nika Hepis Qersî de maneno.
Ma tepişyayîşê sîyasetmedaro Kurd Mahmut Alinakî şermezar kenê."
17.02.2020
Buroya Çapemenî û Têkilîye ya PAKî