PAK (Partîya Azadîya Kurdistanî) semedê hêrîşê şewa bîne o ke Firokxaneyê Mîyandewletî yê Hewlêrî bibi beyanatêk da.

Beyenatê PAKî de wîna ame vatiş:

"Şewa 06.07.2021 saete:11.30 de, pê dronan hêrişêk Firokexaneyê Mîyandewletî yê Hewlêrî rê bîyo.

Hêzê Vera Terorî yê Herêma Kurdistanî aşkere kerd ke, netîceyê Hêrişî de, ziyanê canî û madî nêbîyo.

Çen reyo ke hêzê terorî êyê ke azadî, destvistiş û averşîyayîşê Başûrê Kurdistanî nêwazenê, bi hêrîşanê kovane bêtehamûlîya xo vera şarê Kurdistanî nişan danê. Nê hêrîşî zî dişmenetîya înan a vera şarê Kurdistanî nişan dana.

Tu şika ma  tira çino ke, senî ke qetlîam û jeosîdê sey Enfal, Helebçe û yê bînî nêeşkay vernîya averşîyayîşê Herêma Federe ya Kurdistanî bigîrê;  nê hêrîşê terorî zî do nêeşkê vernîya averşîyayîş, azadî û xoserîya Kurdistanî bigîrê. Şarê Başûrê Kurdistanî  bi wayîrvejyayîşê destfînayîşanê xo, bi yewitîya xo ya neteweyî do nê hêrîşanê dişmenetî pûç vejo.

Ma hêrîşo ke Firokexaneyê Mîyandewletî yê Hewlêrî rê ameyo kerdene û heme hêzê ke peyê nê hêrîşî de yê şermezar kenê."

07.07.2021

Buroya Çapemenî û Têkilîye ya PAKî