Merkezê Xeberan - PAKî beyanatê xo de wina va:
Mehkemeya Dîyarbekirî vizêr (17.06.2020) 7.5 serre cezaya hepsî daya ronayox û Hetkarê Serekê Pêroyî yê DKPyî û Serekê Pêroyî yê KADEPî, sîyasetmedar û welatparwero Kurd Lutfî BAKSÎ.
Lutfî BAKSÎ sedemê çend beşdarîyanê kombîyayîşê DTK/KCDyî û sedemê nuşte, parekerdiş, qisêkerdiş û mesajan ra bi îdiaya "propogandaya rêxistina teroristî ya çekdare û propagandaya terorîzmî" roja 17.06.2020 de Dîyarbekir de bi 7,5 serre cezaya hepsî ame mehkûm kerdene.
Cezaya ke sîyasetmedaro Kurd Lutfî Baksî rê ameya birnayîş, nîşan û dewamîya binpay kerdişê heqê azadîya fikrî û xo îfade kerdişî ya, binpay kerdişê û heqê xebata sîyasî ya bi rêxistinî ya.
Bi hezaran kesî bi taybetî zî nê çend serranê peyênan de seba xebatanê xo yê sîyasî, seba nuşte û beyanat û parekerdişanê xo yê sosyal medya raştê dewayanê wînasîyan ameyê û cezaya hepsî ameya dayene.
Ma cezaya ke sîyasetmedar û welatperwero Kurd Lutfî Baksî rê ameya birnayene şermezar kenî.
Ganî ca de cezayê bi nê qaydeyî bêrê betal kerdiş û rayîrê azadîya xo îfade kerdişî û azadîya fikrî bêro akerdene.
17.06.2020
Buroya Çapemenî û Têkilîye ya PAKî