Bi beşdarbûna bi hezaran welatparêzên Kurd, endam û birêvebirên partiyên siyasî û saziyên sivîl, nivîskar û akedemîsyen, xizm û malbata birêz Prof Dr Qedrî Yıldırım, cenazeyê xwedê jê razî li Amedê, li"Goristana Gundê Nû"yê (Yenikoy Mezarlığı) roja 27.03.2021ê hate veşartin.
Cîhgirên Serokê Giştî yê PAKê Nurullah Timur, Vahit Aba, rêveber û endamên PAKê Talip Sana, Faiz Eşin, Abdullah Polat, Mustafa Kalhan, Hüsamettin Turan û gelek endam û alîgirên PAKê beşdarî merasîma cenazeyê birêz Prof Dr Qedrî Yıldırım bûn.
Polîsên Dewleta Tirkîyeyê nehiştin Alaya Kurdistanê bi tabûta cenazeyê birêz Prof Dr Qedrî Yıldırım bê alandin.
Wek tê zanîn mamosteyê zimanê kurdî , nivîskar , parlamenterê berê birêz Prof. Dr. Kadrî Yildirim roja 26.03.2021ê di encama celta mejîyî de li Amedê jiyana xwe ji dest da bû.