Roja yewşeme, sûka Sakarya a Tirkiye di kesê bi demançeya hicûmê laj û piyê ci kerd.
Jewî sedemê ko laj û pî pêya kurdî qisey kenê ê day qerqeşûna ver. Piyê lajekî Kadir Sakçi ca di merd û lajê ci jî bi giraney bi dirbetin.
Na yew fina siftî niya ku kurdî bi taybetey sûkandê Tirkiye di benê armancê hicûmanê winay, qandê ko ê kurd ê û kurdî qisey kenê.
Nê hucûmê winay encamê siyasetê dewleta Tirkiyey ê vera kurdan ê, encamê siyasetê vera Vakurê Kurdistanî, vera Efrînî, Rojaway û vera referandûmê Başûrî yê.
No siyaseto wehşî, ê dewleti ko medyaya ci jî 24 seetan borazaneya ci kena, kesê wina vera kurdan xuluqnayo.
Na helwesti ne gorey insaniyetî ya û ne jî gorey dînê îslamî ya.
Ma veyndanê şarê Kurdistanî û dinyay ko nê karî ruswa bikerê û vengê xo berz bikerê û vajê
”Ez kurd a, kurdî qisey kena”