Îro 18.04.2018, şandeyeke ji jin û endamên ji Şaxên Amed û Batmanê yên Partiya Azadiya Kurdistanê (PAK) pêkhatî, bi armanca pîrozkirina Cejna Çarşema Sor, çûn gundê Qorixê yê girêdayî Qubîna Batmanê ku kampa koçberên Êzdî jî tê de ye.
Şandeya PAKê, ji endama Revebiriya PAKa Batmanê Meryema İnal, Endama Meclîsa PAKê Ziynet Dinçer, Endama Meclîsa PAKê Mustafa Kalhan, Endama PAKa Amedê Rojbin Bükün, Endama PAKa Amedê Yüksel Aslan, Serokê PAKa Batmanê Aziz Özdemir û dostên PAKê ên wekî Aydın Üneşi, Kerem Serhatlı, Şirin Tekik û hwd pêk dihat.
Şande, li gundê Qorixê mal bi mal, kon bi kon geriyan û cejna tevahiya Êzdiyan pîroz kir.
Berpirsê kampa Êzdiyan Newaf Heco û muxtarê kevin ê vî gundî bi navê Ûsif û piraniya niştecihên kampê bi dilgermî pêşwazî şandeyê kir û kêfxweşiyên xwe bo hatina şandeyê anîn ziman.
Herwiha Êzdîyan, behsa kevneşopiyên xwe kirin û ji Şandeyê re agahî di derbarê çanda Êzdiyan de dan û pirsa şandeyê bersivandin.