PAK (Partîya Azadîya Kurdistanî)
" Dewleta Tirkîya nêverdena tu kes adiro ke kewto koyanê Dêrsimî rê mudaxele biko.
Qezaya Xozatî ya Dêrsimî ya Bakurê Kurdistanî de operasyonê eskerî ra dima adir kewtbi daristanî.
Semedo ke Dewleta Tirkîya semedê hewnakerdişê adirî tu midaxeleyan nêkena û nêverdena şarê herême zî midaxele biko 11 rojîyo ke no adir nêameyo hewnakerdiş..
Gorê agahîyê ke çapemenî ser ra vila bîyê, operasyonêkê eskerî yê Dewleta Tirkîya ra dima, roja 16ê Tebaxa 2021î de adir kewto daristanê dewanê Danzî, Kurukaymak û Koçerî yê qezaya Xozatî û semedo ke tu midaxele nêameyo kerdiş, adir dewanê derûdorî rê vila bîyo. No adiro ke 11 rojîyo dewam keno, resayo dewa Uzunçeşmeyî.
Dewijê herême vanê ke şarê dewan rê amyo qedexekerdiş ke şêrê cayê adirî û hêzê eskerî yê Dewleta Tirkîya teşebûsê hewnakerdişê adirî asteng kena.
Helbet no reya yewine nîyo ke Dewleta Tirkîya bi namê ‘’operasyonê eskerî’’ daristananê Kurdistanî vêşnena.
La zaf balkêşo ke raya ûmûmî ya Tirkîya ya ke derheqe vêşayîşê daristananê Tirkîya de razînêbîyayîşê xo nîşan dayêne, derheqê şewatê daristananê Kurdistanî de tu razînêbîyayîş nîşan nêdana.
Ma venga raya pêroyî ya Kurdistanî û Tirkîya û venga heme dezge û şexsîyetanê xozaperwer danê ke wa vera vêşayîşê daristananê Kurdistanî vengê xo berz bikê û wa ca de şewat bêro hewnakerdiş."
27.08.2021
Buroya Çapemenî û Têkilîye ya PAKî