Merkezê Xeberan- Seba endamê ma, endamê Komîteya Rayverîye yê PAKî Vahit Abayî qirarê ‘hepsê keyeyî ’ ame dayene.
Polîsanê Emnîyetê Dîyarbekirî bi hawayêko bêûsûlî roja 11.10.2019, saete 02.00 de eştbî keyeyê embazê ma Vahit Abayî ser û dest ronabî ey ser.
Hevalê ma bi beşdarîya avukatê xo îfade da û dozgerî bi waştişê tewqîfbîyayîşî ey sewqê mehkema kerd.
Sebebê tepişyayîsê hevalê ma Vahit Abayî parekerdişê beyanatê PAKî yo ke seba hêrişê Dewleta Tirkîya yê Rojavayê Kurdistanî bi.
PAKî roja 10.10.2019î de bi beyanatêk hêrîşê Dewleta Tirkîya yê ser Rojavayê Kurdistanî şermezar kerdbî.
Polîs, dozger û mehkema nê parekerdişê hevalê ma Vahit Abayî sey ‘propaganda kerdişê sîyasetê PKKî ’ îtham kerd. Endamê Komîteya Rayverîye yê PAKî embazê ma Vahit Abayî, Emnîyetê Dîyarbakirî de zî, vera dozgerî de zî, vera Mehkemeya Dîyarbekirî de zî beyanatê PAKî pawito; la îthamê propaganda kerdişê PKK red kerdo.
Mehkemeya Dîyarbekirî peynî de, bi îthamê ‘propagandaya PKK’’ derheqê hevalê ma Vahit Abayî de dewa akerda û qirarê ‘hepsê keyeyî’ daya.
Hevalê ma Vahit Aba do Amed de keyeyê xo de sey hepsî bo, nêeşko vejîyo teber.
Ma nê qirarê Mehkemeya Dîyarbekirî şermezar kenê.
12.10.2019
Buroya Çapemenî û Ragehandinê ya PAKê