Çedarê ke Efrîn de bi destegê hukmatê Tirkîya wezîfe kenê 2 Kurdê bînî remnayî. Goro ke vajîya Kurdê ke amê remnayîş dewa Qîbare ra yê.
Çedarê OSOyî ke bi eskeranê Tirkîya dest ronayê Efrîn ser o sey çeteyan falîyetanê xo domnenê. Goro ke şarê Efrînî ra yewêk vato, 2 Kurdê bînî zî hetê çektdaranê OSOyî ra amê remnayîş. Êyê ke amê remnayîş Hesen Hemîd û Ebdulrehman Cehfer ê.
Ame zanayîş ke çekdarê ke 2 kesî remnayê keyeyanê înan ra pere waştê û keyeyan ra vatê “Eke şima pereyan nêdê ma êsîran kişenê”
Îdîa beno ke sebebê remnayîşê yewî no yo ke kênaya xo nêdayo xorto ke Teberê Efrînî ra yo.
Seke yeno zanayîş Efrîn de heta nika xeylê kesî hetê nê çekdaran ra ameybî tepiştiş û zafê înan hetê çekdaran ra ameybî qetlkerdiş