Osman Çınar
Dimli/Kırmancki ma!
Ey Kurdê ma yê delalî?
Ma ameyê ke şima rê şîrînîya Ziwanê xo (Dimli/Kırmancki/Zazaki) vajê.
Dimli/Kırmancki, şaxê bi qîmet û bîerjê yê ziwanê ma yo. Nika mekteban de mufredatê Perdeyê Mîllî de bi waştiş deyenê yanî bi nameyê dersanê waştişî ca gênê.
Şima zanê no yeno çi mehne?/şima zanê no çi çî îfade keno?
No yeno no mehne; ziwanê ke hezaran serrî yo zerrî da şima do şima şenê qeçandê xo rê nê ziwanê dayika xo bimusnê û ziwanê dayike xo ya biresnê.
Şima nika vanê ma dê ney senî bikerê?
Şima dê şirê mekteb, nameyê qeçan dê xo lîsteyê ziwanê dayika xo (Dersanê Waştişî ra Kurdî) "Dimli/Kırmancki/Zazaki" de qeydekerê.
Şima dê qeçandê xo ya ziwanê xo qisey bikerê, pîya dêrî bikerê, estanikî, lezvatey vajê û ê dê zî ziwanê kalik û pirika xo ya qisey bikerê pê ra fehm bikerê.
Gelo Şima nêwazenê qeçê şima ziwanê dayika xo ya sereberz bê?
Şima nêwazenê qeçê şima ziwan, kultur û tarîxê xo bizanê?
Eke winî yo şima yê hewna çi çî pawenê?
Şirê mektebe, qeçandê xo rê dersanê waştişî ra dersa ziwanê dayika xo "Dimli/Kırmancki/Zazaki" biwazê, qeçanê xo zî lîsteyê dersa ziwanê xo de bikerê qeyde.
Ma zanê ke taye kesî vanê; tirkî qisey kerdiş bes nîyo? Ma vanê nê: Bese nîyo!
(Ellay welatê Tirkîya rê tenya ziwanê tirkî dayo, ziwan tenya tirkî ya? Herkes zano ke her teyr ziwanê xo waneno, çi ma ziwanê xo nêwanê, qisey nêkerê?) no mi ra bo.
Ma înan rê vanê ke: "Ziwanê ma nasnameyê ma yo, şeref û namûsê ma yo. Ma ziwanê xo qisey bikerê, bimisê, bimûsnê, biparêznê, aver berê."
Bicîwîyo Kurdistan!
Bicîwîyo ziwanê Kurdî!
Bicîwîyo Dimli/Kırmancki/Zazaki