Merkezê Xeberan - Siyasetmedaro Kurd Osman Baydemîr o ke rîyê zulum û zordarîya dewleta Tirkîya ra nika xerîbî de yo, keyepelê “Telgraf” ke Brîtanya de weşan keno rê qisê kerd.
Siyasetmedaro Kurd Osman Baydemîr vano ke, wa partiyê sîyasî menfietanê xo û îdeolojiyanê xo bikê qurbanê yewîya netewî ya kurdan û wazeno wa pîya xebate bikerê.
Qisêkerdişê Osman Baydemîrî ra qismêk wina yo:
Gere Kurdê ma bizanê ke rêjîm û dewleta Tirkîya ne bedilyena ne zî qalîya xo bibedilna. Gere Kurdî bi vengêko berz vajê; Na dewlete dewleta ma nîya, no parlemento, parlementoyê ma nîyo… Gere ma aşkere vaje ke, wareyêkê ma esto, o zî Kurdistan o… Ezo se bikî Îstanbulê şima, ezo se bikî Anqara û Îzmîrê şima!
Şarê ma Rojava, Bakûr heta Başûr û her çar parçeyanê Kurdistanî de zî binê tehlûkeyêkê pîlî de yo. No tehlûke sey tehlûkeyê serra 1915î yo. Aye ra gere kurdî pêrune îdeolojîyan bikê qurbanê îtîfaqê netewî. Wa heme menfietanê partîyanê siyasî bibê qurbanê îtîfaqê netewî yê kurdan. Partiyên siyasî wesîle yê, hedef û armanc, azadiya miletî yo.
Na dewlete Amed de meşruîyetê xo kerda vindî, çimkî sindoqe orte ra darta wera. Na dewlete Amed de dewleta îşgalker a.