Li bajarê Neqede yê Rojhilatê Kurdistanê, otobûsa rojnamevanên Îranê wergeriya û herî kêm 2 rojnamevan mirin.
Îro danê sibê otobûsa rojnamevanên Îranê, ku bo amadekirina raportan li ser xebatên vejandina gola Ormiyê bi taybet tunêla Kanî Sêvê, çûbûn parêzgeha Ormiyê, li nêzîkî bajarê Neqedê yê Rojhilatê Kurdistanê wergeriya.
Li gorî agahiyan, di wê rûdanê de 2 rojnamevan, ku her du jin bûn, canê xwe ji dest dan û 21 kes jî birîndar bûn ku piraniya wan rojnamevan bûn.
Tunêla Kanî Sêvê ava bendava Kanî Sêvê li bajarê Pîranşarê vediguheze gola Ormiyê ji bo gol ji zuhabûnê rizgar bibe.
Dirêjiya wê tunêlê 36 km e û derdora kîlometrekê maye xilas bibe.
rojnamevanên ku di wê rûdanê de mirine