Vera Partîya Sosyalîste ya Bindestan (ESP) Antalya, Îzmîr, Hatay û xeylêk şaristananê bînan de operasyon virazîya. Heta nika 14 kesî ameyî tepiştene.
Operasyon de vervatoxê Kongreya Demokratîke ya Şaran (HDK) Sedat Şenoglu, endamê Meclîsê ESPyî Çîçeke Otlu, Mustafa Nacî Toper, Volkan uyar, Selver Orman û Îlke Başak Baydar, endamê partîye Yucel Karadag, Ozan Ozgenler, Ozancan Sari û Îlhan Aslan, Alper Kaba, Ezgî Bedel, Zekeriya Aykut Karnap, Gozde Sîvaslioglu ameyî tepiştene.
Ozgur Barçin û Bedran Çogaltan seba ke keye de nêbîyî nêameyî tepiştene.
Polîsan eşt keyeyêk ser o ke tede endamê Buroyê Huqûqî yê Bindestan estbî, la keye de çew çinbi. Çarçewa operasyonî de 17 kesî ameyî destbendkerdene.
Destbenkerdeyî ameyî berdene bi Mudirîya Asayîşî ya Îstanbulî û destûr nêno dayene ke avûkatanê xo bivînê.
Muxabîrê Ajansê Xeberan ê Etkînî (ETHA) Serdal Işik zî çarçewa dosyayêka cîya de ame destbendkerdene.