Rojnameyê The New York Timesî derheqê Ekrem Îmamoglu û weçînayîşê Îstanbulîyo ke hetê YSK ra ameyo îptalkerdiş de yew nuşte weşana.
Rojnameyê The New York Timesî semedê weçînayîşê Îstanbulîyo ke hetê YSK ra ameyo îptalkerdiş vano: Semedo ke Ekrem Îmamogluyî Beledîyeya Îstanbulî de dizdî, bêusulî û îsrafê merdimanê Serekkomar Erdoganî vetê meydan wezîfe ra ameyo girewtiş û mazbataya ey destê ey ra ameya girewtiş.
Dewamê nuşteyê Rojnameyê The New York Timesî de wina ame vatiş: Recep Tayîp Erdoganî û namzetê ey Bînalî Yildirimî şewa 31ê Adare de derbêka girane girewte. La YSK na derba girane betal kerd. Beledîyeya Îstanbulî destê 28 şîrketan de ya. Nê şîrketî pêro destê merdimanê Erdoganî de yê. Semedo ke nê şîrketî wa bêrê muhafazekerdiş Erdoganî weçînayîşê Însanbulî betal kerd. Semedo ke wa karê nê şîrketan aşkera nêbo û bêusulîya înan nêvejîyo orte YSK bi waştişê Erdoganî weçînayîşê Îsntabulî beta kerda.
Nuşteyê Rojnameyê The New York Timesî nuşteyê xo de îdîa kerd ke Ekrem Îmamoglu eşkeno Kurdan zî îkna biko û wina va: Ekrem Îmamoglu eşkeno xîtabê Liberalan, muhefezakaran, Kurdan û Tirkan bikero. Texmîn beno ke Ekrem Îmamoglu newe ra weçînayîşê Îstanbulî qezenc bikero û seltenatê AKP perçe bikero.