Navenda Nûçeyan

Piştî ku Amerîkayê leşkerên xwe ji Serê Kanîyê û Girê Spî vekişand û aşkere kir ku Tirkîye dê operasyonekê bo ser Rojavayê Kurdistanê pêk bîne, Netewên Yekgirtî (NY) daxuyanîyek belav kir.

Di daxuyanîya NYê de ji bo operasyoneke Tirkîyê ya bo ser Rojavayê Kurdistanê, hatîye gotin ku ew amadekarîyên xwe bo rewşa herî xerap dikin.

Herwiha hatîye gotin, “Eger Tirkîye operasyoneke leşkerî encam bide, ji bo rêlibergirtina koçberbûna sivîlên li bakurê Sûrîyê em bang li alîyan dikin. Netewên Yekgirtî derbarê navçeyên aram de xwedî azmûneke biêş e.”

Berpirsê NYê ji medyayê re ragihandîye ku ew planeke hawarçûnê ji bo xelkê ku dê ji cih û warên xwe bin amade dikin û dîyar kirîye, “Eger pêdivî pê hebe, divê alîkarîya qut û derman bê kirin.”