Ofîsa Nûnertiya Rêveberiya Xweser a Rojavayê Kurdistanê dê îro li Swîsreyê were vekirin.
Biryar e Ofîsa Nûneriya Rêveberiya Xweser Rojavayê Kurdistanê îro Duşemê 26ê Tîrmeha 2021ê li welatê Swîsreyê bê vekirin.
Di vexwendinameyekê de, Daîreya Pêwendiyên Derve ya Rêveberiyê ragihandiye ku îro, demjimêr 18:00 Ofîsa Nûneriya Rêveberiya Xweser li bajarê Cenêvê yê Swîsreyê tê vekirin.
Di merasîma vekirina ofîsa nûneriyê de, dê Cîgirê Hevserokatiya Encûmena Rêveber a Rêveberiya Xweser Bedran Çiya Kurd, beşdar bibe û gotinekê pêşkêş bike.
Piştî merasîma vekirina ofîsê, dê civîneke rojnamevanî bê lidarxistin û bersiva pirsên medyakaran bê dayin.