Norweç de koalîsyonê çepgîran weçînayîşan de serkewt û reya verêne di kurdî kewtî Meclîs.
Norweç de koalîsyonê çepgîran weçînayîşan de ser kewt û reya verêne di kurdî kewtî Meclîs. Muxalefeto çepgîr rayberîya Serekê Partîya Karkeran Jonas Gahr Store de weçînayîşanê roja dişemeyî de ser kewt
Yeno pawitene ke Jonas Gahr Store bibo serekwezîr. Muxalefetî 169 kursîyan ra 100 kursîyî qezenc kerdî.
Nê weçînayîşî de Sehere Aydar Partîya Sore ra û Manî Huseynî zî Partîya Karkeran ra kewtî meclîs.
Keyeyê Sehere Aydar Konya ra koçê Norweçî kerd. Aydare wextêkê dergî mîyanê têgêrayîşanê cinîyan de, mîyanê dezgehanê cinîyan de vera nîjadperestîye xebitîyaye. Aydare soz dabi ke biba vengê pêro kurdan, bindestan, têkoşînê heqadarî yê şaranê Kurdîstanî.
Huseynî zî Rojavayê Kurdistanî ra koçê Norweçî kerd. Huseynîyo ke Fakulteya Xebatan ê Sîyasîyan a Zanîngehê Osloyî de wend. Huseynîyî pare kerd ke o do bale bianco şarê Kurdîstanî ser.