Merkezê Xeberan- Tirkîya û Bakurê Kurdistanî de mîyanê 5 serranê peyînan de semedê rewşa xirabe ya ekonomi hûmara kesê ke teqawût bîyê û la hema zî xebitîyenî se ra 40î ra zêdêr bîya.
Gorê daneyanê resmîyan, hûmara karkerê teqawûtbîyayeyan ke hema zî xebitîyenî gorê serra verîne se ra 40 zêde bîy û resa 94 hezar û 579 kesan.
Nîmeyê teqawûtan karêko bîn de xebitîyenê
Parlementerê Partiya Komare ya Şarî (CHP) yê Anqara Murat Emîrî aşkere kerd ke, 12 milyon teqawûtî estê û nîmeyê înan bi nêqeydkerde xebitîyenî.
Parlementerê CHP Emîrî Wezira Keye, Kar û Xizmetguzarî yê Tirkiya Zehra Zumrut Selçuke ra waşt wa derbarê na mesela de malumat bido.
Gorê vatişê Wezîre Selçuk serra 2015î de 55 hezar 731 kes, serra 2016î de 61 hezar û 677 kesî, serra 2017î de 64 hezar û 160 kesî û serra 2008î de zî 67 hezar û 202 kesî hetêk ra teqawût ê û hetêk ra zî şuxulîyenî estê.