Merkezê Xeberan- Ame eşkerakerdene ke hêrişo ke pacşeme vera kampêka eskerî ya Chînegodarî ame kerdene de 89 eskerî amê kiştene.
Vervatoxê hukmatî Zekarîya Abdurahme eşkerayîyêk da û vat: "Bîlançoyê netîceyê cigêrayîşî wina yo: 89 eskerî û 77 dişmenî ameyî kiştene."
Eşkerayîya panşemeyî de amebî vatene ke 25 eskerî û 63 terorîstî ameyî kiştene. Selahîyetdaran heman wextî de bi eşkerayîyêk seba 72 saetan tazîyeya neweteyî îlan kerd. Ewro ra dima şînê neteweyî do bêra caardiş. Hêrişê pacşemeyî hêrişanê tewr giranan ê Nîjerya ra yew o.