Nijadperestên Tirk li parêzgeha Çorûmê ya Tirkiyê jî êrîşî karkerên demsalî yê Kurd kirin.
Nîjadperestên Tirkî do êvarî bi kêran êrîşî karkerên demsalî yên ji Rihayê kirin û di encama êrîşê de, Hatîce û Kubra Alpa, Halep û Îsmaîl Çalişir û Elî Sarigul birîndar bûn.
Têkildarî bûyerê, mexdurên bûyerê, Îsmaîl Çalişir, Îbrahîm Çalişir diyar kirin, ji ber meseleya çop û gemarê, xalê muxtar û pê re binefserek, gefa qewitandinê li wan xwar, eger gemara xwe ji nav erd ranekin.
Îbrahîm Çalişir da zanîn, gava wan ji binefser re got ku ew ê lê gilî bikin, muxtar û kurên xwe û gundiyekî, bi kêran êrîş kir.
Îbrahîm Çalişir destnîşan kir, di dema êrîşê de, binefser piştgiriya da muxtar û gaz bi ser wan de reşand.
Li gor Îbrahîm Çalişir, wan konên xwe veguhastine gundekî din û diyar kir ew ê vegerin Rihayê.