Komêka nîjadperestan qezaya Efelerî ya Aydinî de pê bahaneya şewatê daristanan rayîrî girewtî û wesayîtêk ra 3 kesî lînç kerdî.
Dîmenê serebûtî medyaya dîjîtale de ameyî vilakerdiş. Dîmenan de yeno dîyene ke taxa Emîrdoganî ya Efelerî de şewa 4ê tebaxe de komêka nîjadperestan wesayîtêk vindarnena û hêrişê wesayîtî kena.
Cendirmeyî îxbar ser o ameyî cayê serebûtî û 3 mexdûrê lînçî berdî qereqol.
Dîmenan de yeno dîyene ke en tay 100 kesî sloganê 'Wa geber bibê' erzenê û heqaretan kenê.
Dîya zanayene ke zereyê wesayîtî de 3 kesî estbî. Wextê hêrişî de tay kesî vanê 'Vinderê, mekerê, şima do merdiman bikişê' û kome pê çuwan û huyeyan hêrişê wesayîtî kena. Dîmenan de aseno ke zerarêko pîl reseno wesayîtî, wextê hêrişî de kesêk pê huyeyî camî şikneno û pê huyeyî hêrişê kesanê zereyê wesayîtî keno. Plakaya wesayîtî zî hetê hêrişkeran ra amey vetiş.