Ebdullah Simitkoyê 71 salî kurê Tahîr Xan, li bajarê Stenbolê ji ber celta dil canê xwe ji dest da.
Piştî ku Simkoyê Şikak di sala 1930an de ji alîyê Îranê ve hat şehîdkirin, malbata Tahîr Xan bi hin malbatên din koçî Stenbolê dikin
Ebdullah Simitko 5ê Hezîrana 1949ê li bajarê Urmîyê yê Rojhilatê Kurdistanê ji dayîk bûye û di sala 1977an de beşa parêzerîyê li Zanîngeha Stenbolê xilas kirîye.
Simitko herwiha li Zanîngeha Paris Sorbonneyê doktoraya xwe kirîye.
Hat zanîn cenazeyê Ebdullah Simitko li gundê Conî yê ser bi bajarê Urmîyê ve were veşartin.
Hêjayê gotinê ye birayê Ebdullah Simitko yê bi navê Asgar Simko jî sala 1995ê li Stenbolê ji alîyê hêzên nedîyar ên dewleta Tirkîyê ve hatibû revandin û piştre hatibû kuştin.