Sekreterê Giştî yê Neteweyên Yekbûyî Antonio Guterres pisporekî Alman kire serokê nû yê tîma lêkolînerên tawanên DAIŞê.
Sekreterê Giştî yê Neteweyên Yekbûyî Antonio Guterres pisporekî Alman kire serokê nû yê tîma lêkolînerên tawanên DAIŞê.
Li gor biryara Antonio Guterres, pisporê Alman Christian Ritscher dibe serokê wê tîma navdewletî, ku li ser tawanên DAIŞê lêkolînan dikin.
Beriya niha pisporê Kurd Kerîm Es'ed Ehmed Xan ku xwedî nasnameya Brîtanî ye, serokê wê tîmê bû.
Armanca wê tîmê ew e ku li ser hemû tawanên ku rêxistina DAIŞê di dema desthilata xwe de li Iraqê kirine, lêkolînan bike.
Tîma lêkolînê belgeyan berhev dikin û rêzbendiya tohmetan dikin, da ku di dadgeha navdewletî de tohmeta encamdana tawanên şer û dijî mirovahiyê û jenosîdê arasteyî DAIŞê bike.
Di meha Gulana borî de tîma lêkolînê li ser komkujiya Kurdên Êzidî belge berhev kiribûn.
K24