PAK-Ewrûpa (Rêxistina Piştgirên PAKê li Ewrûpayê), li ser bikaranîna tankên loapard û çekên din ên Almanî ji alîyê orduya Tirk, ji seroka Almanyayê daxwaz kir nehêlin ku leşkerên Tirk van çekan li dijî gelê Kurdistanî yê Efrînê bikarbînin.
Nameya PAK-Ewrûpa îro şandiye ev e:
"Li gor agahdarîyên ku ji gelek alîyan ve digihîjin me û herweha agahdarîyên çavkanîyên navneteweyî jî vê yeke dipejirînin, ku hêzên Tirkîyeyê yê îşgalker tankên Leopard ên almanî li rojavayê Kurdistanê, li herêma Afrînê li hember jin, zarok û pîr û hemû kesên sivîl ku nikarin xwe biparêzin bikar tîne. Û herweha bi van êrîşan mîrasên kevintirîn yên dîrokî û hawîrdorê jî diherifîne.
Îşgala Tirkîyeyê ku bi navê ”Şaxê Zeytûnê” bi nav dike, ne ji bo parastina sînorên xwe ye, paraloya ”sêva sor” e ku li gor tezên Osmanî-Îslamî tê maneya îşgal û berfirehkirina hukumdarîyê ye.
Ev yek li ber çavên dunyayê diqewime. Em lanetê li van kirinên Turkîyeyê dibarînin û em ji Almanya Federal dixwazin ku ji Tirkîyeya ku endama NATOyê û berendama Yekîtîya Ewrûpayê ye re bibêje dev ji êrîşkarîya xwe berde û bisekinîne û qedexe bike ku çekên almanî ji bo armancên xwe yên îşgalker bi kar bîne".