Di 13ê Mijdara 2017an Endamê Polîtburoya Yekîtiya Niştimaniya Kurdistanê (YNK) Necmedîn Kerîm serdana Cîgirê Sekreterê Giştî yê YNKê Kosret Resûl kir.
Necmedîn Kerîm di serdanê de ragihandiye: “Heval Kosret Resûl ji bilî ku Cîgirê Yekem ê Sekreterê Giştî yê YNKê ye, herwiha pêşmergeyekî qehreman, zilamekî pola ye û li hember dijminên gelê me, bûye weke çiyayekî.”
Kerîm herwiha diyar kiriye: “Kak Kosret her dem canfedayê rêya rizgariya gelê me bû û destan û şoreş tine ye ku wî xwîna xwe têde nerijandibe. Lewma em ji Xweda daxwaz dikin ku di demeke herî nêz de rewşa tendirustiya wî baş be û Xwedê wî ji bo neteweya me bihêle.”
Roja şemiyê 11ê Mijdara 2017an Kosret Resûl rakirin nexweşxaneyê. Wezîrê Tendirustiyê ragihandibû ku neştergerî bo Kosret Resûl hatiye kirin.