Navenda Nûçeyan- Serokê Herêma Kurdistanê Birêz Nêçirvan Barzanî , Spasîya Serokê Partîya Azadîya Kurdistanê (PAK) Birêz Mustafa Ozçelîk Kir
Serokê Partîya Azadîya Kurdistanê (PAK) Birêz Mustafa Ozçelîk ji ber hilbijartina cenabê wî ya ji bo Serokatîya Herêma Kurdistanê Birêz Nêçirvan Barzanî bi peyamekê pîroz kiribû.
Serokê Herêma Kurdistanê Birêz Nêçirvan Barzanî jî ji ber ku Serokê PAKê Birêz Mustafa Ozçelîk pîrozbahîya cenabê wî kiribû, bi nameyeke taybet spasîya Serokê PAKê Birêz Mustafa Ozçelîk kir.
Peyama Serokê Herêma Kurdistanê Birêz Nêçirvan Barzanî bi logoya ''Komara Iraqê, Herêma Kurdistanê, Serok'' hatîye şandin. Ev jî peyama Serokê Herêma Kurdistanê Birêz Nêçirvan Barzanî ye:
"Birêz Mustafa Özçelik
Serokê Giştî yê PAKê(Partîya Azadîya Kurdistanê)
Silav û rêz
Bi kêfxweşî peyama we ya pîrozbahîyê ya ji bo hilbijartina min wek serokê Herêma Kurdistanê gihişt. Gelek spasîya we dikim. Hêvîdarim em tev bi hev re bikaribin ji bo aramî, hevfêhmkirin, bihevrejiyan û toleransê ji bona pêşerojeke baştir, xizmetê bikin. Hêvîya tendirustî û şadîyê ji we re dixwazim. Her serkeftî bin.
Nêçirvan Barzanî "