Merkezê Xeberan- Serekê Herêma Kurdistanî Nêçîrvan Barzanî merasîmê mezunîyetî yê Akedemîya Eskerî ya Zaxoyî de qisey kerd.
Nêçîrvan Barzanîyî îzeh kerd ke, cayê Akedemîya Eskerî ya Zaxoyî seba înan cayêko taybet o û wina va “Herêma Kurdistanî de lazimtîya ma bi hêzêkê eskerî ya netewî esta”
Barzanîyî îzah kerd ke, Pêşmergeyî dinya de sey sembolê îradeyî yenê naskerdene û wina va “Pêşmergeyî rûmetê Herêma Kurdistanî yê. Pêşmergeyî tena pêşmergeyê partîyêk nîyê û gere xo wina nêvînê. Şerê vera DAIŞî seba pêşmergeyan bîyo tecrubeyêko pîl.”