Serokê Herêma Kurdistanê Nêçîrvan Barzanî piştevaniya xwe ji bo banga Serokwezîrê Iraqê Mistefa Kazimî nîşan da ku Kazimî îro daxwaz kiribû, ji bo çareseriya bingehîn a kêşeyên navbera Hewlêr û Bexdayê diyalogeke niştimanî were pêkanîn.
Nêçîrvan Barzanî li ser hesabê xwe yê Twitterê ragihand: “Ez piştevaniya banga Serokwezîr Birêz Kazimî dikim ji bo diyaloga niştimanî ya navbera aliyên nakok ên Iraqê û diyalogeke niştimanî ya rasteqîn a kûr ji bo rêkeftina yekcarî û çareserkirina bingeha kêşeyên Herêma Kurdistanê yên ligel hikûmeta federalî li gor destûrê.”
Serokwezîrê Iraqê Mistefa Kazimî îro 8ê Adara 2021ê di gotareke xwe de daxwaz kir ku ji bo rêkeftina navbera Hewlêr û Bexdayê diyalogeke niştimanî bikin li ser hemû astan.
Kazimî destnîşan kir ku divê gotûbêj ji bo wê yekê bibe daku çareseriyeke bingehîn ji bo temamê kêşeyên navbera Hikûmeta Federal a Iraqê û Hikûmeta Herêma Kurdistanê were dîtin.