Serokê Herêma Kurdistanê Nêçîrvan Barzanî têkildarî pejirandina proje yasaya jinên rizgarbuyiyê Êzidiyan ya li Encumena Nûnerên Iraqê, ragihand ku ew destpêkêke girînge ji bo qerebûkirina xwişk û birayên me yên Êzidî û piştrastîdana li girîngiya bi parastin û jiyana wan.
Encumena Nûnerên Iraqê proje yasaya derbarê jinên rizgarbuyiyên Kurdşn Êzidî pesend kir. Serokê Herêma Kurdistanê Nêçîrvan Barzanî têkildarî yasayê peyamek belav kir û ji wê yekê spasiya hemû fraksiyonên li parlamentoya Iraqê kir.
Nêçîrvan Barzanî ji bo wê yasayê got: “Ev pêngav û destpêkêke girîng e ji bo qerebûkirina xwîş û birayên me yên Êzdî û piştrastîdana li girîngiya bi parastin û jiyana wan. Daxwazê dikîn bi awayeke bi lez dest bi bi cîbicîkirina hemû xalên nav yasayê bê kirin, ji ber ku rewşa hemû jinên me yên rizgarbuyiyên Êzdî û zarok û malbatên wan pêwîstî bi hevkariya bi lez heye.”
Barzanî diyar kir: “Xwîş û birayên Êzdî tuşî komkujiyekî gelek mezin û dirindeyiyeke zêde bûn, bi revandina jin û zarokan û komkujîkirina zilamên wan, ji bilî wêranbûna zêdetirê deverê Şingalê û derbederbûna zêdetirê xelkên Êzdî ku bêguman ewe jî pêwîstî bi dûvdaçûn û biryarên zêdetir e bo ku hemû Êzdî piştrast bin ku dikarin bi piştrastiyê ve vegerin navçeyên xwe û dest bi avadankirinê bikin û dabînkirina xizmetguzariyan bigihe navçeyên wan. Pêngavên girîng jî ji bo vê mebestê bicihkirina hemû xalên rêkeftinnameya Şingal e.”
Derbarê amarên rizarbûyên ji destê DAIŞê de jî Serokê Herêma Kurdistanê got: “Me bi rêya Ofîsa Rizgarkirina Revandiyên Êzdiyan kariye heta niha 3 hezar û 545 jin û zilam û zarokên Êzdî rizgar bikîn, xwîş û birayên Êzdî piştrast dikîn ku wekî erkê xwe bi hemû awayekê berdewam dibîn ji bo rizgarkirin û eşkerebûna çarenivîsa wan 2 hezar û 768 Êzdiyên ku heta niha jî wenda ne.”