Serokê Herêma Kurdistanê Nêçîrvan Barzanî peyameke serxweşiyê belav kir û tê de êrîşa mûşekî ya li ser Eyn Esedê şermezar kiriye.
Peyama Nêçîrvan Barzanî wiha ye:
Gelek bi tundî wê êrîşa mûşekiyê şermezar dikim ku îro çarşem hêzên Hevpeymaniya Navdewletî ya bi serkirdayetiya Amerîka li Binkeya Eyn Eseda Asmanî li parêzgeha Enbara li Iraqê kir armanc û li encamê da belênderek canê xwe ji destda. Sersaxiyê li malbat û kesukarên qurbaniyê dikim, li vê dema dijwar da hevsoz û hevxema wanim.
Dûbarebûna berdewamiya gef û êrîşên li ser hêzên Hevpeymaniya Navdewletiya Dijî DAIŞê ku li ser daxwaza Hikûmeta Iraqa Federal ji bo piştgîrî û hevkarîkirina li rûbirûbûna terorê li Iraqê ne, bi tevahî dijî berjewendiyên Iraqe û aramiya welat û niha û paşerojê dixe metirsiyekî rasteqîn de.
Bêguman Iraq li rewşa niha da hê jî pêwîstî bi berdewamiya hevkarî û yarmetîdana Amerîka û Hevpeymaniya Navdewletî ya ji bo rêgirîkirina bihêzbûna DAIŞê û ji navbirina yekcarekiya wê rêxistina terorîstiye roj bi roj gef û metirsiya wê zêdetir dibê û kirdarên serbazî û tevgerên wê yên terorîstî berfirehtir dibin.
Daxwaz ji Hikûmet û Parlemen û hêz û aliyên siyasî û pêkhat û gelên Iraqê dikim beramber van êrîşan bê deng nemînin û rê nedin li ser hesabê berjewendî û paşeroja wan, Iraq bikin qada pêkdadan û yek alîkirina gengeşeyan.