Serokê Herêma Kurdistanê Nêçîrvan Barzanî, îro 30yê Hezîranê bi berpirsên partiyên Tirkmenên Kurdistanê re civiya.
Hat ragihandin ku hevdîtina ligel partiyên Tirkmen li avahiya Partîya Çaksaziyê ya Tirkmenî pêk hatiye û Nêçîrvan Barzanî ji aliyê Serokê Partiya Çaksaziyê ya Tirkmenan Abdulqadir Bezirgan ve hatiye pêşwazîkirin.
Hat diyarkirin ku di hevdîtinê de, pêşhatên dawî yên li Iraq û Herêma Kurdistanê û mijara nivîsandina Destûra Bingehîn a Kurdistanê hatiye gotûbêjkirin û girîngiya di destûrê de parastina mafên hemû pêkhateyan hatiye destnîşankirin.
Herwiha berpirsên partiyên Tirkmenan jî diyar kirine ku ew dê bi rêya destûrê bikarin mafên xwe yên netewî û olî bidest bînin.