Merkezê Xeberan- Netewê Yewbîyayî (NY) aşkere kerd, nasnameyê komêk çekdarê DAIŞî ê ke kurdê êzîdî qetl kerdê, aşkere bîyê.
Serekê tîma NY ya ke Iraq de sûc û kerdenê DAIŞî ser o cigêrayîş kena Kerîm Esedxanî aşkere kerd ke, nasnameyê 160 çekdarê DAIŞî ê ke kiştiş û qirkerdişê kurdanê êzîdîyan de ca girewtê aşkere bîyo.
Kerîm Esedxanî îzeh kerd ke, ê nika kenê ke mehkemeyan rê seba muhakemekerdiş û tepişyayîşê nê DAIŞIjan gerre bikê.
Tîma NY ya cigêrayîşê sûcanê DAIŞî, par ameybî ronayîş.