Nadiya Murad ku ji bo beşdarîkirin di Korbenda Duha de li Qeterê ye, li ser hesaba xwe ya twîterê ragihandiye, li gel Wezîrê Derve yê Tirkiyê Mevlut Çavuşoglu re civiyaye û di vê civînê de behsa bombebarana herî dawî ya Tirkiyê bo ser Şingalê kiriye.
Nadiya Murad di peyama xwe de dibêje, wê di vê civînê de daxwaz ji Çavuşoglu kiriye ku bombebaranên li ser Şingalê rawestîne.
Nadiya Murad dibêje: “Pêwîst e Tirkiye û Iraq pêkve kar bikin bo dîtina çareseriyekê ji bo rêgirtina ji bombebaranên ser Şingalê”.
Di derbarê hevdîtina li gel Nadiya Murad de, Wezîrê Derve yê Tirkiyê jî li ser twîtera xwe ragihandiye, ku ew li gel Nadiya Murad civiyaye û” behsa rewşa Êzidiyan kirine”.
Çavuşogluyî di twîtta xwe de gotiye “PKK, PYD û YPG berdewam e li ser zilma xwe li her kesî li Iraqê û Sûriyê, Êzidî, Aşûrî û Kurd jî tê de”.