Serekê PAKî Mustafa Ozçelîk: Ez serekê Herêma Kurdistanî Nêçirvan Barzanî pîroz kena.
Serekê Pêroyî yê PAKî Mustafa Ozçelîkî seba weçînayîşê Parlementoyê Herêma Kurdistanîyo ke vizîr semedê weçînayîşê serekê Herêma Kurdistanî kom bibi û namzetê PDK Nêçîrvan Barzanî sey serekê Herêma Kurdistan weçînabi beyanatêk da.
Serekê Pêroyî yê PAKî Mustafa Ozçelîkî beyanatê xo de wina va:
Parlamentoyê Herêma Kurdistanî roja 28.05.2019 de Bêrêz Nêçirvan Barzanî sey Serekê Herêma Kurdistanî weçînayo. Ez namê xo û namê heme îdarekar û endamanê partîya ma ser, Serekê Herêma Kurdistanî Nêçirvan Barzanî pîroz kena.
Weçînayîşê Serekîya Herêma Kurdistanî, nîşanê wayîrvejîyayîşê demokrasî û azadî yo, nîşanê wayîrvejîyayîşê îradeye şarê Kurdistanî û nîşanê wayîrvejîyayîşê qezencê federalî ê Herêma Kurdistanî yo.
Ma hêvî û bawer kenê ke, Brez Nêçirvan Barzanî do demêko kilm de Hukmatê Herêma Kurdistanî wazîfedar biko û Hukmatê newî rono. Ma hêvî kenê ke, Serekê Herêma Kurdistanî Brêz Nêçirvan Barzanî û Hukmato newe seba safîkerdişê heme meseleyanê şarê ma yê Başûrê Kurdistanî gamanê muhîm û rindan bierzê.
Ma her serkewtiş û qezencê her perçeyê Kurdistanî sey qezencê her Kurd û Kurdistanîyêk vînenê.
Ma hêvî kenê ke, partîyê ma ê Başûrê Kurdistanî bi nê tecrûbe, ked, xebate, bedel û fedekarîya xo do pêro- pîya şarê ma rê sibarojêko azad û serkewte biverdê.