Emser her çar perçeyanê Kurdistanî, Rojhilatê Mîyanênî û çar hetanê dinya de ma mîyanê şer, pekewtiş, kiştiş, wêranî, neheqî, bêedaletî û binpaykerdişê heqanê merdiman de dekewenê roşanê remazanî.
Ma hêvî kenê ke no roşan, Bakurê Kurdistanî de bibo destpêkê qedîyayîşê şerî, bidestvistişê heqanê neteweyî, demokratîk û averşîyayîşê hemkarî û tifaqê neteweyî, niştimanî.
Ma hêvî kenê ke no roşan, Başûrê Kurdistanî de bibo wesîleya pêameyîş û tifaqê neteweyî, niştimanî û wayîrvejîyayîşêercanê neteweyî, averşîyayîş, yewkerdişê destvistişanê ke estê.
Ma hêvî kenê ke Rojawayê Kurdîstanî de no rojan, bernameya muştereke ya konferansa Qamişloyî ya ke di roja 26.04.2025 de ameybî viraştiş ser o û bi temsîlîyetê heyeta Kurdî ya ke ameya eşkerakerdîş, bibo destpêkê awankerdişê yewrêzîya xomîyanî û neteweyîya Kurdî.
Ma wazenê ke heme hetê Kurdî bi bernameyêka neteweyî bibê muxatabê Rayberîya Şamî û heqanê xo yê neteweyî, demokratîk û statuyêke sîyasî bi dest bifînê.
Rojhilatê Kurdistanî bibo destpêkê tifaqêko mende, neteweyî, niştimanî.
Bi hêvîya ke Rojhilatê Mîyanênî û heme dinya de no roşan bibo destpêkê qedîyayîşê şerî, kiştiş û wêranîyan; bibo wesîleya bica kerdişê ercanê azadî, demokrasî, edalet, seypeyî, heqanê netewî û merdiman û erc û hişmendîya dormeleyî.
Pa hemû dej û xem û xemê şarê ma, ma roşanê keyeyanê şehîdanê Kurdistanî, roşanê misilmananê Kurdistanî û heme misilmananê dinya bimbarek kenê.
05.06.2025
Mustafa Ozçelîk
Serekê Pêroyî yê Partîya Welatparêzanê Kurdîstanî (PWK)