Serekê Pêroyî yê Partîya Welatparêzanê Kurdîstanî (PWK) Mustafa Ozçelîk:
Ma wazenê ke serra 2026î serra wina bo ke seba yewîya Kurdan berê azadîye, aştîye, demokrasîye û edaletî bêro akerdene
Serra 2025î, seba miletê Kurdan o ke binê îşxalî de yê, şarê Kurdîstanî û zafanîya merdimîye serra ke mîyanê pêrdayîş, zext, zilm, bêheqî, dej û kulan de vîyart bî.
Averşîyayîşê Rojhelatê Mîyanênî, xo reyde xeylê firsendî zî, xeylê rîsk û tehlukeyî zî ardo.
Proseso wina hesas de, ma serra 2025î ra vîyarenê serra 2026î.
Bêguman, ma do çar parçeyanê Kurdîstanî de zî biresê armancê xo ke heqê ma yo tewr meşrû yo. Serra newîye de, seba ma, seba heskerdoxanê xo, seba kesanê ke dej antê, seba kesanê ke dejê înan derman nêbîyo; do pelêkê newe û sade bibo a.
Aktoro tewr bingeyên o ke ameyoxê ma yo azad awan keno bêguman ma yê; la çiqas ke dostê ma zêde bibê, dişmenê ma kêmî bibê, ma do bi dejêko hîna kêmî, bi wextêko hîna kilm de biresê nê armancî.
Bi hêvî, bawerî û waştişo ke wa serra 2026î serra wina bo ke; bi roşnîya dersanê ke tarîxê ma ra yenê vetene, bingeyê hişê neteweyî ser o hêvîyî bêrê weşkerdene, yew famo ke hişê neteweyî esas gêno û xurt keno reyde, pêro parçeyanê Kurdîstanî de destkewteyî rê wayîr bêro vejîyayene, bêrê averberdene; mucadeleyê ma yê azadîye xurt biba, lez bigîro; yewîye, paştîdayîş, îttîfaq, dîyalog û xebatê pêroyî serwer bibê...
Bi hêvî, bawerî û waştişo ke wa serra 2026î Kurdîstan de û pêro dinya de serra wina bo ke verê cuyayîşêko însanî, azad, demokratîk, adîl, aştîyane û sêypê abibo...
Bi waştiş û bawerîya yew cuyayîşê bi weşîye, bextewarî û rindî xemilîyayeyî û yew ameyoxê azad, bi pêro hîsanê xo yê însanîyan, mîlîyan û welatperweran, ez serrra newîye ya keyeyanê şehîdanê ma, kedkaranê mucadeleyê ma yê azadîye, embazanê dewaya mi, dost û merdimanê mi, şarê Kurdîstanî û pêro merdimîye pîroz kena.
31.12.2025
Mustafa Ozçelîk
Serekê Pêroyî yê Partîya Welatparêzanê Kurdîstanî (PWK)