“PAK partîya fedakaranê Kurdistanî ya. PAK bi îmkan û fedakarîya rayber û endamanê PAKî xebatanê xo, ekonomîya xo domnena. Êyê ke PAKî zanê bi teqdîr pesnê nê xusûsîyatê PAKî danê.
PAK partîyêka şefaf a. Tu çîyo ke tu kesî ra binimno zî çîn yo.
PAK dewaya azadîya Kurdistanî de nameyê kulturêko newe ya.
PAK bi demokrasîya mîyanê xo Bakurê Kurdistanî de nimûneyêk a.
PAK bi serekê xo, bi rayberanê xo, bi endamanê xo, bi hetgir û dostanê xo sereberz a. Rayber û endamê PAKî no 30, 40, 50 serrîyo ke îşkenceyan de, mehkemeyan de, hefsan de, şertanê en zemetinan de, binê guleyanê dişmenan de, ala azadî waro nênaya ro. Rayber û endamê PAKî no 30, 40, 50 serrîyo ke kedkar û xebatkarê dewaya azadîya Kurdistanî yê.
Êyê ke na PAK a PAK ra aciz ê, cezayanê hepsî xeylî endam û rayberanê PAKî rê birnenê û înan rê dewayan akenê.
Êyê ke na PAK a PAK ra aciz ê, tehamulê na xebata bi zerrî, pak, bi qerardar, netewî, niştimanî, Kurdistanî nêkenê.
Êyê ke na PAK a PAK ra aciz ê, bi buxtan û zûran û bêwîcdanî û fesadî û bêehlaqî do nêeşkê pakîya PAKî gemar bikerê. Rayber û endamê PAKî bi heme cuyayîş û berhemanê xo çiman ver de yê, PAK ê.
Êyê ke no ekol û kultur û ruh û zerrîpakî û fedakarî û wayîrvejyayîşê PAKî ya PAKîyan ra çîyêk nêgirewtê zî gere xo ra bipersê.
PAK merkezê potansîyelê azadîwaşt, netewî, demokrat Kurdistanî ya Bakurê Kurdistanî ya.
PAK cayê her Kurdistanîjêkê zerrîpak a.
Ez ercanê netewî û tarîxî binê ala PAKî de şana têra.
Ez PAKij a, xizmetkar û xebatkarê miletê xo û yê welatê xo ya. Kamcî perçeyê Kurdistanî de, kamcî cayê dinya de kam ke dewaya miletê mi, semedê heqanê netewî, niştimanî yê şarê mi xebate biko, o dostê min o, hemkarê mi, mitefîkê min, embazê min o.
PAK vana 'Azadî seba Kurdistanî, Kurdistan de Azadî'
Ez PAKij a, ez pak a, ez bi PAKî sereberz a.”
31.03.2020
Mustafa Özçelik
Serekê Pêroyî yê PAKî