Serekê Pêroyî yê Partîya Memleketî Muharrem Înceyî da pêhesnayene ke namzedîya serekkomarîye ra xo peyser anto.
Serekê Pêroyî yê Partîya Memleketî Muharrem Înceyo ke rojanê peyênan de bi xeylê skandalan rojdem de yo û bi îstîfayanê partîya xo tengayî de yo, gama ke weçînitişî rê çend rojî mendî, eşkerayîye daye.
İnceyî eşkerayîye de ya ke verê merkezê banê partîya xo de daye, da eşnawitene ke ey weçînitişê 14ê gulane de xo namzedîya serekkomarîye ra peyser anto.
Înceyî wina vat: "Ez nê semedê welatê xo kena. Mi kerd ke ez yew kanal abikerê. Gama ke vînî kerd wa sûcê xo meerzê serê mi. Mebo ê do sibayê weçînitişî de heme sûcî bierzê ma ser. Ez namzedîya serekkomarîye ra xo peyser ancena."