AKP Îstanbul de vindî kerd û seba ke AKP perçe bibo muxalîfê mîyanê AKP xebate kenê. Îdîa beno ke Davutoglu do 30ê Hazîrane de Xarpêt de, Babacan zî Îlone de partîya xo aşkera biko.
Seba ke AKP Îstanbul û xeylê bajarn de weçînayîş vindî kerda û muxalîfê mîyanê AKP leze day xebata xo. Îdîa beno ke Serekwezîro verên yê AKP Ahmet Davutoglu do 30ê Hazîrane de Xarpêt de, Wezîrê Ekonomî yo verên Alî Babacan zî menga Îlone de partîya xo aşkera biko.
Qaso ke rojnameyê Sözcü ra Velî Toprakî vato, Abdullah Gul, Beşir Atalay, Haşim Kiliç, Sadullah Ergîn û Fehmî Koru mîyanê partîya Alî Babacanî ya newî de ca gênê. Seba na partîya newî do menga Îlone de qerar bêro dayene.
XARPÊT RA DEST CI KENO
Goro ke îdîa beno Serekwezîro verên yê AKP Ahmet Davutoglu do şêro Xarpêt û uca de derheqê partîya xo ya newî de beyanat bido.
Hetkarê Serekê AKP yo verên Selçuk Özdağo ke nika keno ke Davutogluyî dir pertî rono derheqê weçînayîşê Îstanbulî de qisey kerd û va ke: Îtîfaqê Cumhurî vindî kerd, Îtîfaqê Milete qezenc kerd. No vindîkerdiş tenya Îstanbul de ney, do her hetê Tirkîya de dewam biko. Hînî aktorê newî siyaset de ca gênê. Ak Partî bi destê xo wina kerd. Na rastî vejyaya meydan ke errekkomar gere yew partîya sîyasî ra nêbo. Sîstemo ke ameyo ronayîş seba Tirkîya xirab o. Milete aştî, azadî, edelet û huzur wazena. Milet hînî AKP û sîstemê aye nêwazena.