Navenda Nûçeyan
Li gor medyayên Tirkîyê, derengê şeva bihorî mînbusek ku ji bajarê Wanê ve hejmarek koçberên neyasayî vediguhest, li ser rêya serekî ya Amed-Farqînê wergerîya.
Di bûyerê de koçberekî canê xwe ji dest da û 12ê din jî birîndar bûn ku jin û zarok jî di nav wan de hene.
Hat zanîn ku rewşa tendirûstî ya 4 birîndaran xirab e.
Piştî agahdarkirina alîyên peywendîdar, hejmareke zêde ya hêzên ewlekarîyê û ambulans bo cihê bûyerê hatin şandin û birîndar bo nexweşxaneyê hatin veguhestin.
Hatîye ragihandin, piştî bûyerê şofêr revîyaye. Polîs derbarê bûyerê de lêkolîn daye destpêkirin.
Li gor agahîyan, koçberên di wê mînîbusê de ber bi Stenbolê ve dihatin veguhastin, ku ew mînîbus rastî bûyerê hatîye.