Milîsên bi ser rejîma Sûriyê yên bi navê Dîfaa El-Wetenî (Hêzên Berevaniya Niştîmanî) îro careke din agirbesta ku bi navbeynkariya Rûsyayê hatibû ragihandin û ji nû ve hatibû dirêjkirin, binpê kir.
Li gorî zanyariyên xwecihî milîsên rejîmê îro 25ê Nîsanê tevî ku agirbest berdewam dikir, êrîşî xaleke Hêzên Ewlekariya Hundirîn ên nêzî dibistana Qamişlo û benda Hilkoyê kirin.
Hat zanîn ku hêzên asayîşa Rojava bersiva êrîşî dane û ew êrîş şikandine ku milîs neçar mane vegerin.
Li gorî çavkaniyên medya Rojava di bersiva wê êrîşê de hejmarek milîs jî hatine kuştin.
Hêjayî bibîrxistinê ye, îro Yekşemê ji bo şopandina agirbestê hêzên Asayîşa Rojava û polîsê leşkerî yê rûsî gereke hevbeşa li taxa Teyî ya Qamişlo gerandibû.