Merkezê Xeberan- Hunermendo Dêrsimij Mîkaîl Aslanî derheqê muracatê Partîya Vatanî ke wazenê heykel û nameyê Seyît Rizayî bêrê wedaritene de hesabê xo yê medyaya sosyale ser ra beyanat da.
Mîkaîl Aslanî îzeh kerd ke, rayêk babîyê xo ra persayo ke çira gorêkê Seyîd Rizayî çin o û cewabê babîyê xo taqîbkerdoxanê xo reyde pare kerd: "Babîyê mi wina cewab da: hukmatî vato ke Êke gorêkê Seyîd Rizayî bibo serê ci de vaş zîl beno, mêşnayî zî ê vaşî wenê, goştê mêşnayan zî merdimî wenî. Bi no qayde şakîtîya ey reyna agêreno merdiman ser...' ''
Aslanî vist vîrî ke Seyîd Rizayî embazê ci naye ra ameyî dardekerdene û vat: "Qîm nêkerd meyîtê ci vêşna, wela ci vila kerde. La hêrsê înan nêqedîyayî. Ewro zî Partîya Vatanî û Perînçek ser o wazenê ke heykelê ci wedarê û nameyê ci kuçeyan ra pak bikê. Wexto ke nînan bikê hêrsê înan do safî bibê? Ney. Seba tay kesî Seyîd Riza sey rayber sey çêrêk dî zorê înan şîyo. Coka nuşt ke Seyîd Riza seyîd nêbi sêwir bi û hema nêeşkayêne êşîra xo îdame biko. Ne Perînçek ne zî rîyakerê ke mîyanê ma de yê nêeşkenê roşnîya beriqîyaye ya Seyîd Rizayî hewna bikê. Seyîd Riza roşnîya seserre ya beriqîyaye yo. Her ke tarîye xo bimojna o do hîna zêde biberiqîyo. Seyîd Riza rûmetê ma yo."