Merkezê Xeberan- Vera operasyonê qirkerdişî yê dewleta Tirkî yê vera Rojawanê Kurdistanî razînêbîyayîş zêdîyenê.
Hunermendan zî semedê haştîye veng da. Hunermend Mîkaîl Aslanî bale ante muhîmîya yewîya Kurdan ser o.
Vera operasyonê dewleta Tirkya yê vera Rojavayê Kurdistanî hunermandan zî razînêbîyayîş ramot û semedê haştîye veng da.
Hunermend Mîkaîl Aslanî operasyonê artêşa Tirkîya yê ser Rojawanê Kurdistanî sey akerdişê rayîrê cehenemî name kerd û va: ‘‘ Welatê ke herême de bîyê çete nêwazenê meselaya Kurdî bêro çareserkerdene û coka polîtîkaya çînkerdişî ya kulturkî û fîzîkî vera Kurdan rayra benê. Tena rayîrêk esto û o zî şarê herême vera çetayan alternatîfê vejê werte. Tewr muhîm zî yewîya Kurdan a. Heta Kurdî yew nêbî, nêeşkenê ser bikewê.''