Dewa Meskenî ya qezaya Mîdyadî ya Mêrdînî de qoricîyan û muxtarê dewe Şîrîn Akçayî ciwanê bi nameyê Mazlum Çelîkî qetil kerd.
Goreyê agahîyan mabênê qoricîyan û Mazlûmî de nîqaşêko ke sebebê ci nêzanîyeno vejîya û wextê nîqaşî de Akçayî pê çeka xo guleyî eştî Çelîkî ser. Çelîkî cayê serebûtî de dinyaya xo bedilnaye.
Cenazaya Çelîkî seba otopsî wedarîya Nêweşxaneyê Dewlete yê Mêrdînî. Serebûtî ra dima dewe gêrîyaye binê ablûqaya cendirmeyan. Nêzanîyeno ke Akçay ameyo destbendkerdene yan nê.
Merdimanê Çelîkî pare kerd ke serebût saete 16.00 de vizêr qewimîya û ê zî sebebê nîqaşî nêzanenê. Merdimanê Çelîkî vat: ''Şîrîn Akçayî pê çeka dewlete Mazlum kişto.''