Mehkemeya Heqanê Merdiman a Ewropa (MHME) qerar da ke Hemserekê Pêroyî yê HDPyî yo verên Selahattîn Demîrtaş wa cade bêro veradayîş.
Daîreyê Pîlî yê Mehkemeya Heqanê Merdiman a Ewropa (MHME) derheqê Hemserekê Pêroyî yê HDPyî yo verên Selahattîn Demîrtaşo ke sey rehîn yeno tepiştene de qerarê xo eşkera kerd. Mehkeme vat wa Demîrtaş cade bêro veradayene.
Avûkatê Demîrtaşî Mahsunî Karamanî qerar hesabê xo yê medayaya sosyale ra da eşnawitene:
''Daîreyê Pîlî yê MHME bi qerarêkê giran û tarîxî derheqê birêz Demîrtaşî de qerarê tehlîye da. Nê qerarê derheqê muwekîlê mi de heme sûcdarkerdişî pûç vetî ke Demîrtaş 4 serrî yo bi sebebanê sîyasîyan sey rehîn yeno tepiştene. Badê nê qerarî baheneyê qerar qetî nîyo werte ra wedarîya. No qerarêko qetî yo û talîmat o. Ganî hukmê tirkî ganî cade birêz Demîrtaşî serbest verado.''