Navenda Nûçeyan- Fermandeyê giştî yê Hêzên Sûrîye Demokratîk (HSD) Mezlûm Ebdî bersiva Erdogan da û ragihand, ewa ku Erdogan behsa wê dike, pir xeter e!
Serkomarê Tirkîyê Recep Tayyip Erdogan pêr gotibû, ewê milyonek penaberên Sûrî li bajarên Girê Spî û Serê Kanîyê yên Rojavayê Kurdistanê, ku niha wek herêma aram ji alîyê Tirkîyê ve hatine dagîrkirin, bicîh bikin.
Li ser vê mijarê, fermandeyê giştî yê HSDê Mezlûm Ebdî li ser twîttera xwe daxuyanîyek da û got: ‘‘Bicîhkirina miloyanek kes li bajarên Girê Spî û Serê Kanîyê‘‘ pir xeter e ji ber ku ew (Erdogan) dixwazin kesên bîyanî li van bajaran bi cîh bikin.
Mezlûm Ebdî her wiha ragihand, Rûsya û Amerîka ji rêgirtina li pêşîya guhertina demografîya herêmên dagirkirî berpirsyar in û bang li wan kir ku sozên xwe bi cîh bînin û mekanîzmeya vegera niştecihên resen deynin.
Çavkanî: Basnews